PARSIAJARAN 14
Harajaon na Laho Mamarenta di Tano On
Diboto hamu do Harajaon ni ise na laho taparsiajari on?—I do, Harajaon ni Debata na laho paulihon tano on gabe Paradeiso. Olo do hamu mamparsiajari taringot Harajaon on?—
Somalna, adong do raja di sada harajaon jala ibana ma na mamarenta disi. Diboto hamu do ise na laho Raja di Harajaon ni Debata?— Jesus Kristus. Di surgo do ibana maringanan. Ndang sadia leleng nai, gabe Raja ni sude halak na di tano on ma ibana! Boi do hita marlas ni roha molo Jesus na mamarenta di tano on?—
Aha ma na laho ulahononmu di Paradeiso?
Marlas ni roha ma hita! Di Paradeiso, ndang adong be parbadaan manang porang. Sude jolma masihaholongan. Ndang adong be sahit manang hamatean. Na mapitung marnida jala na nengel marbinege. Na pampang boi mardalan jala maringkati. Godang ma sipanganon. Mardame ma jolma dohot binatang. Mulak mangolu ma halak na mate. Umpamana, angka naung taparsiajari di buku on songon si Rebekka, si Rahab, si Daud, dohot si Elia! Lomo do roham pajumpang dohot nasida?—
Holong do roha ni Jahowa tu hamu. Lomo do rohaNa hamu marlas ni roha. Molo diparsiajari hamu taringot Jahowa jala unduk tu Ibana, boi ma hamu mangolu salelenglelengna di Paradeiso! Olo do hamu?—