Ditoppa Debata Langit Dohot Tano on

Jahowa, i ma Debata Sitoppa hita. Ibana do na manoppa sude. Ditoppa do na boi taida dohot na so boi taida. Sebelum ditoppa akka na boi taida, nungnga ditoppa Jahowa akka suru-suruan manang malaikat. Diboto ho do ise malaikat i? Naposo ni Jahowa do nasida. Jala sarupa songon Jahowa do nasida, dang boi taida. Adong ma sada malaikat na parjolo ditoppa Jahowa. Malaikat on ma na mangurupi Jahowa tikki manoppa akka bintang, planet, dohot akka na asing. Sada sian akka planet i, i ma bumi manang tano on.

Dung i, dibahen Jahowa ma bumi asa boi diingani akka binatang dohot jolma. Dibahen ma mataniari manondangi bumi. Dung i, ditoppa ma muse akka dolok-dolok, laut, dohot akka sunge.

Aha do muse na ditoppa Jahowa? Didok Jahowa, ‘Bahenokku ma tubu rumput, suan-suanan, dohot akka pohon.’ Godang ma buah-buahan, sayur, dohot akka bunga. Dung i ditoppa Jahowa ma akka binatang. Adong na boi habang, na boi mangolu di aek, dohot na merayap. Ditoppa ma muse binatang na gelleng, misalna kelinci. Jala adong do binatang na balga, misalna gajah. Aha do binatang kesukaanmu?

Dung i didok Jahowa ma tu malaikat na parjolo i, “Tatoppa ma jolma na mirip songon hita.” Berbeda do jolma sian binatang. Boi do jolma marpikkir, makkatai, mekkel, dohot martangiang. Nasida ma na mangurus tano on dohot mangurus binatang. Diboto ho do ise jolma na parjolo ditoppa? Talului ma alusna.