Makkatai Jahowa tu si Samuel

Adong do dua anak ni Sintua ni Malim Eli na melayani di tabernakel. Goarna si Hopni dohot si Pinehas. Dang diulahon nasida hukum ni Jahowa, jala lomo-lomo ni nasida do tu akka halak. Molo adong halak Israel na mamboan persembahan tu Jahowa, nasida na dua do na parjolo mambuat jagal na dumenggan. Diboto si Eli do i, alai dang dipasingot ibana nasida. Dipasombu Jahowa do nasida torus mangulahon songon i?

Nang pe poso dope si Samuel, dang olo ibana maniru si Hopni dohot si Pinehas. Lomo do roha ni Jahowa tu si Samuel. Hea ma di tikki borngin, tikki modom si Samuel, adong ma na manjou ibana. Lao ma ibana mandapotton si Eli, didok ma, “Aha i tuan?” Alai didok si Eli ma, ‘Dang adong hujou ho. Modom ma ho muse.’ Dung i modom ma muse si Samuel. Alai masa ma muse songon i sappe tolu hali. Tikki na patoluhalihon diboto si Eli ma, Jahowa do na manjou si Samuel i. Alani i didok si Eli ma tu si Samuel, molo dijou ho muse dokkon ma songon on, ‘Paboa ma Jahowa, rade do au manangihon.’

Lao ma muse si Samuel modom. Dung i dijou ma ibana, ‘Samuel! Samuel!’ Pittor dialusi ibana ma, ‘Paboa ma Jahowa, rade do au manangihon.’ Didok Jahowa ma, ‘Paboa ma tu si Eli. Dihukum nama ibana dohot keluargana. Diboto ibana do pangalaho ni anakna di tabernakel, alai dang dipasingot ibana nasida.’ Marsogotna i, dibukka si Samuel ma pintu ni tabernakel songon na somal. Mabiar do ibana paboahon hata ni Jahowa tu si Eli. Alai dijou si Eli ma ibana jala didok ma, ‘Paboa ma tu au hata ni Jahowa i.’ Alani i, dipaboa si Samuel ma sude tu si Eli.

Sai didongani Jahowa do si Samuel. Sude do halak Israel mamboto molo si Samuel dipillit Jahowa gabe nabi dohot hakim.