Manubuhon Anak ma si Elisabet

Nungnga lobi 400 taon dung dipadenggan tembok ni Jerusalem. Adong ma sahalak malim na tinggal di jonok ni huta i na margoar si Sakaria, jala goar ni istrina si Elisabet. Nungnga leleng nasida menikah, alai dang adong dope gellengna. Sada tikki, manutung dupa ma si Sakaria di bagas joro. Toppu ma ro malaikat na margoar si Gabriel. Mabiar ma si Sakaria, alai didok si Gabriel ma, ‘Unang mabiar ho. Na paboahon barita na uli do au sian Jahowa. Lao manubuhon anak nama istrim, jala bahen ma goarna si Johannes. Dipillit Jahowa do ibana lao mangulahon ulaon na rikkot.’ Didok si Sakaria ma, ‘Dang mungkin! Nungnga matua au dohot istrikku, dang boi be hami margelleng.’ Didok si Gabriel ma, ‘Debata do na manuru au paboahon i. Alai dang porsea ho. Alani i, gabe bisu ma ho sahat tu na tubu anakmi.’

Leleng do si Sakaria di bagas joro i. Dung kaluar ibana, disukkun akka halak ma aha na masa. Alai dang boi be si Sakaria makkatai. Holan tanganna ma dibahen lao paboahon i tu nasida. Gabe diboto nasida ma na ro malaikat ni Debata tu si Sakaria.

Ujungna, hamil ma si Elisabet. Dung i tubu ma anakna songon na didok malaikat i. Ro ma akka dongan dohot keluargana lao mangida anakna i. Las hian ma roha ni akka dongan dohot keluargana i. Didok si Elisabet ma, ‘Si Johannes do bahenon goarna.’ Alai didok nasida ma, ‘Dang adong keluargam na margoar si Johannes. Si Sakaria ma bahen goarna, songon goar ni bapakna.’ Alai disurat si Sakaria ma, ‘Si Johannes do goarna.’ Tikki i, boi ma si Sakaria makkatai muse! Sude do halak na di Judea mamboto cerita i. Gabe sukkun-sukkun ma roha ni nasida, ‘Songon dia do molo dung balga haduan anakna i ate?’

Dung i mandapot tondi parbadia ma si Sakaria. Gabe didok ma, ‘Dipuji ma Jahowa. Nungnga marjanji Ibana tu si Abraham lao mangalehon sipalua, i ma Messias na lao menyelamatton hita. Gabe nabi ma si Johannes, jala ibana ma na lao paradehon dalan tu Messias i.’

Masa do muse peristiwa na luar biasa tu keluarga ni si Elisabet, i ma si Maria. Taida ma ceritana di pelajaran berikutna.