Kata Pengantar tu Bagian 11

Di bagian on ma parjolo sahali dipaboa akka cerita na adong di Perjanjian Baru. Dang sian keluarga na mora Jesus, jala di huta-huta do ibana tinggal. Rap dohot bapakna do ibana karejo gabe tukkang hau. Jesus do na dipillit Jahowa lao menyelamatton jolma. Jala dipillit do ibana gabe Raja di Harajaon ni Debata. Hamu akka natua-tua, urupi ma gellengmuna mamboto na dibahen Jahowa do Jesus tubu di keluarga na burju jala na setia tu Ibana. Paboa ma na dijaga Jahowa do Jesus asa unang dibunu si Herodes, jala dang adong na boi mangabbati lomo ni roha ni Jahowa. Paboa ma muse songon dia Jahowa manuru si Johannes paboahon na lao ro do Jesus. Patudu ma na lomo do roha ni Jesus mangulahon hata ni Jahowa nang pe poso dope ibana.