PARSIAJARAN 15

Patuduhon Pos ni Roha

1 Tessalonik 1:5

NA INGKON DIULAHON: Patudu ma na pos situtu do rohamuna tu hatorangan na dipasahat hamu jala paboa ma na ringkot do hatorangan i.

Denggan ma parade. Parsiajari ma hatorangan i asa diantusi hamu aha do pokok utamana, jala songon dia angka ayat i domu tu pokok utama i. Bahen ma pokok utamana mura antusan. Pingkirhon ma aha do laba ni hatorangan i tu angka na mambege. Pangido ma pangurupion ni tondi parbadia.

Marsoara ma hamu tingki marlatik asa lam denggan caramuna pasahathon hatorangan i.
Paboa ma angka hata na patuduhon pos ni rohamuna. Unang ma holan manjahahon hatorangan sian angka bukunta, alai pangke ma hatamuna sandiri. Sian caramuna mangkatai, ingkon boi do tarida na pos do rohamuna tu hatorangan i.
Marsitutu ma hamu jala pasahat ma i sian nasa roha. Tingki mangkatai, atur ma soaramuna asa boi tangkas dibege. Denggan do molo diida hamu donganmuna mangkatai.

Ingkon marsitutu do hita laho patuduhon pos ni roha. Alai unang ma gabe songon na tapaksa halak na asing manjalo hatorangan i. Jadi tongtong ma tapatudu holong tu nasida.