PARSIAJARAN 16

Mangapuli jala Patoguhon Roha

Job 16:5

NA INGKON DIULAHON: Unang ma holan manaringoti hasusaan na masa saonari, alai pasahat ma hatorangan na patoguhon roha jala na mangapuli roha.

Pos ma rohamuna tu angka na mambege. Porsea ma hamu na lomo do roha ni angka donganta mambahen las roha ni Jahowa. Molo naeng mangalehon poda, denggan do asa jolo dipuji hamu nasida.

Lambok ma caramuna manjujui nasida. Denggan do molo senyum, asa diboto nasida na holong do rohamuna tu nasida.
Unang ma pagodanghu paboahon barita na roa. Unang ma holan paboahon angka hasusaan na masa saonari. Alai marsitutu ma hamu paboahon angka hatorangan na patoguhon roha.
Pangke ma Bibel. Urupi ma nasida mangantusi aha do na diulahon Jahowa di tingki naung salpu, di tingkinta saonari, dohot di ari na naeng ro. Jadi, patogu ma roha ni nasida asa marpangkirimon.