MANJUPPANGI MUSE
PARSIAJARAN 7
Berupaya Mangurupi Akka Halak
Prinsipna: “Toktong do nasida . . . mangajari akka halak jala paboahon barita na uli.”—Ul. 5:42.
Aha do na Diulahon si Paulus?
1. Tonton ma VIDEO, manang jaha ma Ulaon ni Apostel 19:8-10. Dung i pikkirhon ma sukkun-sukkun on:
Nang pe adong na menentang si Paulus, songon dia do ibana berupaya mangurupi halak na olo manangihon?
Sadia jotjot do si Paulus ro mangajari halak na olo manangihon jala sadia leleng do ibana mangulahon i?
Aha do Parsiajaranna?
2. Porlu do taparade tikki jala berupaya ma hita manjuppangi muse dohot mamulai parsiajaran Bibel.
Tiru ma si Paulus
3. Sesuaihon ma jadwalmuna. Pikkirhon ma: ‘Andigan jala didia do au boi pajuppang dohot ibana lao makkata-hatai?’ Berupaya ma hamu manjuppangi ibana, nang pe hurang cocok tikkina di hamu.
4. Bahen ma janji. Di ujung ni pakkataionmuna dohot sasahalak, pastihon hamu ma andigan muse hamu boi makkata-hatai dohot ibana. Dung i tepati ma janjimuna.
5. Torus ma berupaya. Unang ma didok rohamuna na so berminat sasahalak ala maol dijuppangi di jabuna manang ala sibuk ibana. (1 Kor. 13:4, 7) Berupaya ma hamu torus manjuppangi ibana, alai pastihon ma muse nungnga denggan dipakke hamu tikkimuna.—1 Kor. 9:26.