Sederhana ma Mangajari

Aha do na Diulahon Jesus?

VIDEO: Tudosan ni Jesus Patuduhon na Parduli do Jahowa tu Hita

1. Tonton ma VIDEO, manang jaha ma Mateus 6:25-27. Dung i pikkirhon ma sukkun-sukkun on:

1. Songon dia do tudosan ni Jesus i patuduhon na parduli do Jahowa tu hita?

2. Godang do diboto Jesus taringot akka pidong, alai holan hatorangan na sederhana do na dipaboa ibana. Hatorangan aha ma i? Boasa denggan cara on lao mangajari?

Aha do Parsiajaranna?

2. Molo sederhana caratta mangajari gabe mura ma akka halak mangingot na taajarhon jala boi ma i hona tu roha ni nasida.

Tiru ma Jesus

3. Unang ma pagodangku makkatai. Unang ma dipatorang hamu sude na diboto hamu taringot sada topik. Alai fokus ma hamu tu bahan publikasi na lao diparsiajari hamu. Molo dibahen hamu sukkun-sukkun, sabar ma hamu paimahon alus ni parsiajar Bibelmuna i. Molo dang diboto ibana alusna manang dipaboa ibana pandangan na maralo tu ajaran ni Bibel, pakke ma sukkun-sukkun tambahan lao mangurupi ibana. Molo nungnga diboto ibana inti ni parsiajaran i, lanjut hamu ma tu bagian na mangihut.

4. Urupi ma parsiajar Bibelmuna manghubungkon topik na baru tu topik naung diparsiajari ibana. Misalna sebelum dibahas hamu taringot haheheon, boi do dibahas hamu saotik taringot keadaan ni halak na mate naung diparsiajari ibana.

5. Denggan ma pakke tudosan. Sebelum mamakke sada tudosan, pikkirhon ma:

1. ‘Sederhana do tudosan i?’

2. ‘Mura do diattusi ibana tudosan i?’

3. ‘Molo hupakke tudosan i gabe mura do diingot ibana inti ni parsiajaran, manang gabe tudosan i do na diingot ibana?’