SUNGKUNSUNGKUN NA DIALUSI BIBEL

Sian dia do haroro ni hajahaton?

Ndang dijalo Jesus harajaon ni portibi na dilehon ni Sibolis — Ise do na mangunjuni Jesus asa mangulahon na jahat?—Mateus 4:8-10

Somalna, lomo do roha ni halak tu hadameon, hatigoran dohot habasaron. Alai, boasa saonari hita jotjot mangida hajahaton, hageduhon, dohot pangarupaon [penganiayaan]? Jotjot do tabege barita hajahaton. Na adong do manjujui jolma asa diulahon hajahaton?—Jaha 1 Johannes 5:19.

Mardongan pingkiran na jahat do jolma tingki ditompa? Daong, Debata Jahowa manompa jolma tumiru rupaNa, alani i, boi do nasida maniru holong ni Debata. (1 Musa 1:27; Job 34:10) Alai, dipaloas Debata do jolma laho mambahen haputusan sandiri tu ngoluna. Tingki si Adam dohot si Hawa mamillit mangulahon na jahat, ndang tumiru Debata jala ndang tipak be nasida. Hita manean pingkiran na jahat sian nasida.—Jaha 5 Musa 32:4, 5.

Sai adong do hajahaton salelengna?

Debata mangkalomohon hita asa manundalhon pingkiran na jahat. (Poda 27:11) Alani i, diajari Ibana do hita asa unang mangulahon ulaon na jahat jala asa mandapot hasonangan, nang pe ndang boi dope hita tipak maniru holong ni roha ni Debata saonari.—Jaha Psalmen 32:8.

Ndang leleng paloason ni Debata lam gok hajahaton saonari. Dipaloas Debata pe i, asa boi do diida nasida pangkorhon ni ulaon nasida na jahat. (2 Petrus 3:7-9) Tongkin nai, gohan ni halak na martua dohot na mangoloi Debata ma portibi on.—Jaha Psalmen 37:9-11.

Laho mandapot gumodangan hatorangan, ida ma pasal 3 sian buku on, na dipabinsar ni Sitindangi Ni Jahowa

Rade do di www.jw.org/id