SUNGKUNSUNGKUN NA DIALUSI BIBEL

Boi do taantusi hasintongan taringot Debata?

Sahalak Sitindangi Ni Jahowa marbarita tu sahalak baoa di taman bunga — Boasa lomo roha ni Debata angka jolma mananda hasintongan? Jaha Johannes 17:3

Debata mangkatai tu jolma marhite Bibel. Marhite tondi parbadia, Ibana manogunogu pingkiran ni angka panurat Bibel laho manurathon isi ni pingkiranNa. (2 Petrus 1:20, 21) Alani i, boi ma taantusi hasintongan taringot Debata marhite manjaha Bibel.—Jaha Johannes 17:17; 2 Timoteus 3:16.

Di Bibel, dipaboa Debata do taringot hadirionNa. Dipaboa do boasa Ibana manompa jolma, aha do na tinujuNa tu jolma dohot songon dia asa martua ngolu ni jolma. (Ulaon ni Apostel 17:24-27) Lomo do roha ni Debata Jahowa taboto hasintongan taringot Ibana.—Jaha 1 Timoteus 2:3, 4.

Boasa las roha ni Debata angka jolma mananda hasintongan?

Jahowa, i ma Debata hasintongan. Disuru Ibana do anakNa tu tano on laho mangajarhon hasintongan tu jolma. Jala, halak na mananda hasintongan gabe siihuthon Jesus. (Johannes 18:37) Lomo do roha ni Debata asa torop halak manomba Ibana.—Jaha Johannes 4:23, 24.

Marsitutu do Sibolis padaohon jolma sian Debata marhite mangajarhon ajaran na so sintong. (2 Korint 4:3, 4) Halak na so mangkaholongi hasintongan tarelaela tu ajaran na so sintong. (Rom 1:25) Alai, marjuta halak olo mananda hasintongan taringot Debata marhite marsiajar Bibel.—Jaha Ulaon ni Apostel 17:11.

Laho mandapot gumodang hatorangan, ida ma pasal 1 sian buku on, Apa yang Sebenarnya Alkitab Ajarkan? na dipabinsar ni Sitindangi Ni Jahowa

Rade do di www.jw.org/id