Aha do Harajaon ni Debata?

Sai martangiang do akka halak asa ro Harajaon ni Debata, alai hea do sukkun-sukkun rohamuna aha do Harajaon ni Debata i jala aha na lao ulahononna?

RIMANGI MA NA DIDOK BIBEL ON:

Aha do Harajaon ni Debata i?

I ma sada pamarettaon di surgo na dipimpin Jesus Kristus.—Jesaya 9:5, 6; Mateus 5:3; Lukas 1:31-33.
Aha do na lao diulahon Harajaon ni Debata?

Salpuhononna ma sude hasusaan. Lehononna ma hadameon tu sude halak na mangolu di tano on.—Daniel 2:44; Mateus 6:10.
Aha do lapatanna manjumolohon Harajaon ni Debata?

Lapatanna, i ma mendukung Harajaon ni Debata jala porsea holan Harajaon i do na boi pasautton lomo ni roha ni Debata di tano on.—Mateus 6:33; 13:44.