Mangalehon Gokhon

1. Andigan mulai kampanye mangalehon gokhon i?

¹ Aut sura hita laho patupahon sada pesta na balga, tontu mansai las do roha laho pasahathon gokhon tu angka dongan. Songon i ma tongtong, nunga godang tingki dohot gogo na dibahen laho patupahon ulaon na balga tu partondion di parpunguan bolon na naeng ro. Tolu minggu andorang so parpunguan, adong do hak na sumurung dilehon Jahowa laho manggokhon angka jolma asa ro tu parpunguan bolon i. Aha do na mambahen hita marlas ni roha pasahathon gokhon i?

2. Aha do na mangonjar rohanta asa dohot tu kampanye i?

² Boi taronjar rohanta asa dohot tu kampanye mangalehon gokhon molo tarimangi godang ni laba na tadapot sian pangajarion na patoguhon na dilehon ni Jahowa marhite parpunguan i. (Jes. 65:13, 14) Huhut ma taingot molo kampanye na diulahon ganup taon parohon laba do. (Ida ma kotak ”Adong do Labana”.) Adong do halak na tagokhon ro tu parpunguan i, alai deba nai ndang ro. Godang manang otik na manangihon, tingki dohot gogo na talehon saleleng kampanye pasangaphon Jahowa do i jala patuduhon denggan ni basa ni Jahowa.—Ps. 145:3, 7; Pgk. 22:17.

3. Songon dia do laho mangalehon manang pasarhon gokhon i?

³ Sude punguan ni sintua porlu manontuhon aha do sibahenon ni huria laho pasarhon gokhon on, huhut paboahon boi manang so boi manadingkon gokhon on di jabu naso jumpang halakna manang mangalehon on tingki marbarita di inganan na torop jolma naung ditontuhon tu sada huria. Di ujung ni minggu boi do dilehon gokhon on rap dohot majalah. Sidung kampanye i, las do rohanta ala nunga hiras tingki manggokhon godang halak asa ro rap dohot hita tu ulaon partondion na pinarade ni Jahowa!

Adong do Labana

Di angka taon naung salpu, sahalak donganta borua na dohot tu kampanye mangalehon gokhon on, marlaba do nuaeng tingki dohot gogo na dilehon tu kampanye i ninna rohana. Ro tu rohana, ‘Sude do na manjalo gokhon i ro tu ulaon on? Manogot ni ari Sabtu di parpunguan bolon i, diida ibana ma sahalak baoa Sikh na hundul ndang dao sian ibana jala marsitandaan ma nasida. Hape baoa i ro ala na dijalo do gokhon tu parpunguan i. Godang do sungkunsungkunna na dialusi donganta borua i. Didok ibana las rohana mangida ulaon i jala mangida burju ni na ro tusi dohot dengganna nasida marpahean. Laos di sadari i muse, manghatahatai do donganta borua i tu sada keluarga na hundul jonok tu ibana. Nasida pe manjalo gokhon umbahen na ro tu parpunguan i jala na ingkon naik bus do asa sahat. Las do roha nasida ro tu parpunguan i jala lomo do pe rohana ro di ari Minggu. Diboto donganta borua on ma songon dia ringkotna dohot tu kampanye na diulahon ganup taon.
Ndang leleng dope di parpunguan bolon, sada keluarga parintis sipitupulu jom marsitandaan tu sada keluarga jala naung matua, dipaboa ma on dope parjolo sahali nasida ro tu parpunguan sisongon i. ”Ise do na manggokhon hamu?” ninna parintis i manungkun. ”Tingki mulak hami tu jabu, adong gokhon di toru ni pintu,” ninna nasida. Dijaha nasida gokhon i huhut diisi kupon di alaman na parpudi. Jala adong donganta na mangalehon indahan tu nasida tingki mangan arian. Mansai las do roha nasida ro tu parpunguan i jala dipaboa na ro dope nasida marsogot na i. Diatur ma asa boi nasida dijumpangi muse.