Angka Alat laho Mangajari
1. Songon dia do sahalak Kristen disarupahon songon pande?
1 Songon sahalak pande mamangke marragam alat. Alai, ndang sude alatna i jotjot dipangke. Jala alat na jotjot dipangke i sai tongtong do diparade. Dijujui Bibel do ganup halak Kristen asa ”songon pangula na so tarila” di ulaonna. (2 Timoteus 2:15) Aha do alat na rumingkot na tapangke? Hata ni Debata—alat na ringkot laho mambahen sisean. (Mateus 28:19, 20) Alani i, marsitutu ma hita asa mangajarhon na sintong. Alai, adong do alat na asing muse na jotjot dipangke halak Kristen asa lam tu dengganna mangajari na asing.—Poda 22:29.
2. Angka aha do alat na jotjot tapangke?
2 Alat na jotjot tapangke mangajari: Asing ni Bibel aha do alat na asing na boi tapangke? Alat na rumingkot tapangke laho mangajarhon hasintongan, i ma buku Apa yang Sebenarnya Alkitab Ajarkan? dung sae buku i diparsiajari tapangke ma buku ”Tetaplah Berada dalam Kasih Allah” na mangajarhon prinsip ni Bibel tu parngoluon siganup ari. Alani i, ingkon denggan do hita mamangke buku na dua on. Buku na asing pe boi do jotjot tapangke. Songon buku Barita na Uli sian Debata! Molo adong halak na hurang malo manjaha manang ndang adong buku di bagasan hata ni nasida, tapangke ma buku Tangihon ma Debata Asa Mangolu Salelenglelengna. Asa ditanda parsiajarta organisasi, tapangke ma buku Ise do na Mangulahon Lomo ni Roha ni Jahowa Saonari On? Pigapiga video boi mangurupi hita laho mambahen sisean, songon video Boasa Ringkot Marsiajar Bibel?, video Aha do na Dipatupa di Bale Harajaon? dohot video Adong do Goar ni Debata? denggan ma asa taparsiajari mamangke video on.
3. Aha do na laho taulas di artikel na mangihut sian Panghobasion Harajaonta?
3 Di artikel na mangihut sian Panghobasion Harajaonta, taulas ma isara na mangurupi hita asa denggan mamangke alat na jotjot dipangke tingki mangajari. Molo marsitutu hita mamangke sude alat on, na mangihuthon poda ni si Paulus ma hita na mandok: ”Matahon dirim, ro di pamodaion i; mian ma ho disi! Ai molo i diula ho, paluaonmu ma dirim ro di angka na tumangihon ho.”—1 Timoteus 4:16.