”Perkataan Ini . . . Harus Ada di Dalam Hatimu”

Dipatudos do natuatua songon sahalak parmahan. Ingkon parrohahonon ni natuatua do ianakhonna, ala mura do nasida tarelaela tu angka donganna. (Poda 27:23) Songon dia do natuatua mangulahon on? Ingkon jotjot do nasida mangkatai dohot ianakhonna, asa diboto aha na adong di roha nang di pingkiran ni nasida. (Poda 20:5) Dung i, porlu do dipauli natuatua haporseaon ni ianakhonna sian sere dohot batu na arga na tahan tu api. (1 Korint 3:10-15) Alani i, ingkon bahenon ni natuatua ma panombaon na sasaripe. Ida ma video “Perkataan Ini . . . Harus Ada di Dalam Hatimu” rap dohot keluargamuna jala alusi ma sungkunsungkun na adong dison.

(1) Aha do na mambahen keluarga ni si Roman ndang marsitutu mangulahon ulaon di partondion? (2) Boasa ndang denggan panombaon na sasaripe na parjolo sahali na binahen ni donganta si Roman? (3) Aha do ayat ni Bibel na mangurupi natuatua pagodanggodang ianakhonna? (5 Musa 6:6, 7) (4) Songon dia do asa lam solhot natuatua dohot ianakhonna? (5) Aha do na dihaporluhon ni ianakhon sian natuatuana? (6) Songon dia do keluarga ni si Barrow mangalehon pangkorhon na denggan tu keluarga ni si Roman? (Poda 27:17) (7) Aha do na ingkon diparade tunggani doli asa denggan panombaon na sasaripe ni nasida? (8) Songon dia do donganta si Roman mambahen lam solhot keluargana? (9) Boasa ingkon taratur tabahen panombaon na sasaripe? (Epesus 6:4) (10) Aha do isara na boi dipangke di panombaon na sasaripe? (11) Songon dia do donganta si Roman tangkas jala lambok mangurupi si Markus asa mangulahon na denggan? (Jeremia 17:9) (12) Songon dia do donganta si Roman dohot tunggani boruna mangurupi si Rebekka mambahen haputusan na denggan taringot na mardongandongan ibana dohot si Justin? (Markus 12:30; 2 Timoteus 2:22) (13) Songon dia do donganta si Roman dohot tunggani boruna marpos ni roha tingki mambahen haputusan? (Mateus 6:33) (14) Songon dia do video on mangurupi angka tunggani doli asa mangantusi ringkot ni partondion di keluargana? (1 Timoteus 5:8) (15) Aha do na ringkot ulahonon ni sahalak tunggani doli?

SIINGOTON NI TUNGGANI DOLI: Drama on nunga dibahen di parpunguan bolon sitolu ari di taon 2011. Di tingki i, nunga diboto hamu sadia ringkot panombaon na sasaripe? Songon dia do saonari? Molo porlu bahenonmu pengaturan tusi, marsitutu ma hamu laho martangiang asa boi diurupi hamu keluargamuna.​—Epesus 5:15-17.