Lam tu Dengganna Marbarita —Latik ma Parsiajar Bibelmuna Mambahen Parsiajaran na Dumenggan
Boasa Ringkot: Asa boi matoras partondion ni parsiajar Bibel, ingkon tongtong do nasida mangalului parbinotoan na bagas sian Bibel. (Heb. 5:12–6:1) Porlu do nasida marsitutu mangulahon on. Ingkon botoon ni nasida do pangantusion na imbaru. (Poda 2:1-6) Ringkot do nasida marsiajar mangalului sandiri alus ni sungkunsungkun taringot Bibel sian publikasi na asing. Molo marsitutu nasida mangulahon aha na diparsiajari, on mangurupi nasida marsihohot tingki mangadopi hasusaan.—Luk. 6:47, 48.
Ulahon ma On Saleleng Sabulan:
Di ujung ni sada subjudul manang pasal, pangido ma tu parsiajar Bibelmuna asa dipaboa aha do na dapot ni ibana sian parsiajaran i. Molo ndang adong parsiajar Bibelmuna, ulahon ma on tingki manjaha Bibel manang tingki manjaha sada paragraf sian Joujou Paboahon, asa lam denggan pangantusionmuna tingki manjaha.