Angka na Porlu Taparade asa Denggan Mangajari

Di tingki na marasingasing adong do na manungkun tu Jesus sungkunsungkun na sarupa taringot hangoluan na salelengna. Alai, ndang dos isara ni Jesus mangalusi nasida. (Luk. 10:25-28; 18:18-20) Alani i, ndang sae holan taparade aha na laho taparsiajari dohot parsiajar Bibelta, alai ingkon taparade do aha na porlu tu parsiajar Bibelta andorang so marsiajar. Umpamana, parsiajaran na dia do na maol diantusi nasida? Ayat na dia do na porlu dijahahon? Sadia godang do na laho diparsiajari? Ra, porlu do taparade sada tudosan, sada hatorangan, manang pigapiga sungkunsungkun na mangurupi parsiajar Bibel asa lam mangantusi parsiajaranna i. Ala Debata Jahowa do na manubuhon hasintongan di roha ni sasahalak, tapangido ma asa dipasupasu Jahowa sude na taparade tu parsiajar Bibelta.​—1 Kor. 3:6; Jak. 1:5.