MARSITUTU MA HAMU DI ULAON MARBARITA
Lam Tu Dengganna Marbarita—Bahen ma Presentasimuna laho Mangalehon Majalah
BOASA RINGKOT: Nang pe marlaba tu hita presentasi sitiruon na adong di bagian Na Laho Diparsiajari, adong do muse presentasi na ummura. Mamangke hatamuna sandiri. Boi do hamu mamangke isara na asing manang judul na asing na pas di luatmuna. Molo songon i, dung sae dijaha hamu majalah i, pingkiri ma mambahen presentasi, manonton video presentasi, jala boi ma diihuthon hamu tudutudu on laho mambahen presentasi sandiri.
ISARA MANGULAHON:
Sungkun ma dirimu, ’Hupangke do presentasi sitiruon na adong?’
HUPANGKE
Parade ma hata pamungka. Dung marsitandaan, paboa ma taringot haroromuna. (Umpamana: ”Haroronami tuson laho . . . ”)
Pingkiri ma songon dia hamu boi mambahen sungkunsungkun, manjaha ayat, dohot mangalehon sijahaon. (Umpamana: Laho pasahathon sada ayat, boi do dohononmu, ”Sasintongna, alus ni sungkunsungkun i adong do dison.”)
DAONG
Pillit ma judul sian majalah na dihalomohon hamu jala na pas di luatmuna
Pillit ma sungkunsungkun na laho sungkunonmu na mangurupi halak asa marpingkir jala olo mangkatahatai. Alai, unang ma gabe muruk parjabu i. (Umpamana: Sungkunsungkun di halaman 2 di majalah.)
Pillit ma ayat na laho dijaha. (Boi do hamu manjahahon ayat sian Bibel manang sian publikasi na tercetak, na pas tu situasi tingki marbarita. Alai, olo do ra di sada tingki hamu holan mangenet ayat.)
Parade ma hatorangan na jempek taringot laba na didapot molo manjaha artikel i
AHA PE ALUSMUNA
Parade ma sungkunsungkun laho diulas tingki manjumpangi muse
Bahen ma catatan na mangurupi hamu mangingot aha na laho diulas muse