Lam tu Dengganna Marbarita​—Mangurupi Parsiajar Bibel asa Mangalehon Diri jala Tardidi

BOASA RINGKOT: Asa dihalomohon Jahowa, parsiajar Bibel ingkon mangalehon diri jala tardidi. (1Ptr 3:21) Molo dipahombar nasida parngoluonna tu lomo ni roha ni Debata, tarondingi ma nasida di partondion. (Ps 91:1, 2) Hita mangalehon diri tu Jahowa, ndang na mangalehon diri tu jolma, tu sada ulaon, manang tu sada organisasi. Alani i, ingkon dipatogu parsiajar Bibel do holong dohot pangargaionna tu Debata.​—Rom 14:7, 8. 

ISARA MANGULAHON:

• Tingki marsiajar, ulas ma taringot parange ni Jahowa. Jujui ma ibana asa manjaha Bibel ganup ari jala ndang ”mansadi” martangiang tu Jahowa.​—1Tes 5:17; Jak 4:8

• Jujui ma parsiajar Bibel asa mangalehon diri jala tardidi. Urupi ma muse ibana asa mangalehon alus di parpunguan manang marbarita tu hombarjabu manang dongan sakarejona. Ingot ma, ndang dipaksa Jahowa halak asa manomba Ibana. Ingkon ibana sandiri do mambahen haputusan.​—5Mus 30:19, 20

• Jujui ma parsiajar Bibel mambahen hamubaon laho mambahen las roha ni Jahowa jala asa boi tardidi. (Poda 27:11) Olo do ra nunga marurat parange manang hasomalan na so denggan. Alani i, ingkon marsitutu do ibana manadingkon i jala patuduhon parange na denggan. (Eps 4:22-24) Lehon ma tu ibana artikel ”Alkitab Mengubah Kehidupan” sian majalah Menara Pengawal.

• Paboa ma tu ibana las ni roha na boi tahilala ala manomba Jahowa.​—Jes 48:17, 18