Naung Digatti do Isi ni Kitab Suci?

Godang do halak marpikkir molo isi ni Kitab Suci nga digatti. Nabi Jesaya mandok molo Kitab Suci “hot do ro di saleleng ni lelengna”. (Jesaya 40:8) Aha ma na mambahen hita porsea tu isi ni Kitab Suci dohot akka janjina i?

Dijaga Sitoppa hita do Kitab Suci asa torus adong, jala asa unang digatti isina. Jadi, disurat do muse Kitab Suci i. Alai manat do akka panurat lao manuratton i asa unang adong isi ni Kitab Suci na ditambai, digatti, manang diorui. Alai, ala jolma na so sempurna panurat i adong do sipata na sala dibahen, alai dang na gabe muba isina.

BOASA PORSEA HITA DANG DIGATTI ISI NI KITAB SUCI?

Adong dapot marribu salinan ni Kitab Suci. Molo asing sada salinan, boi do dibandikkon tu salinan na asing asa diboto na sittong do manang na dang. Lao mamboto hatorangan tambahan ida ma, “Apakah Isi Alkitab Telah Diubah?” di jw.org.

Contohna, adong sada salinan na digoari Gulungan Laut Mati na dapot ni halak Badui di gua jonok ni Laut Mati taon 1947. Hata ni Panoppatta do isi ni salinan i, na nungnga marumur hira-hira 2.000 taon. Dibandikkon akka pakar ma salinan i tu Kitab Suci na adong nuaeng on. Aha do hasilna?

Dapot ni akka pakar ma, molo salinan ia sarupa tu isi ni Kitab Suci. Dung manat dipareso salinan i, tarboto ma molo Kitab Suci, asli do Hata ni Debata manang Panoppatta. Jadi, pos do rohatta molo Kitab Suci i dijaga Debata do asa unang digatti isina sahat tu hita saonari.

Alani i tikki manjaha Kitab Suci manang Bibel, porsea do hita molo isina dang digatti. Jadi taparsiajari ma muse taringot Debata sian akka nabi.