Cara Mamangke Brosur Ise do na Mangulahon Lomo ni Roha ni Jahowa Saonari On?

Brosur Ise do na Mangulahon Lomo ni Roha ni Jahowa Saonari On?, dibahen asa diulas dohot parsiajar Bibel tingki laho marsiajar manang dung sae marsiajar.a Parsiajaran 1 sahat tu 4 patorangkon ise hita na sasintongna, parsiajaran 5 sahat tu 14 mangurupi nasida mamboto taringot tu ulaonta, jala parsiajaran 15 sahat tu 28 patuduhon taringot organisasinta tu nasida. Denggan do molo taulas parsiajaran i mulai sian parsiajaran sada, alai boi do hamu mangulas parsiajaran na ringkot tu ibana. Holan sahalaman do godang ni ganup parsiajaran, jala boi diulas saleleng lima minut sahat tu sampulu minut.

• 

  Urupi ma ibana mangantusi alus ni sungkunsungkun na gabe judul ni parsiajaran i

• Pintor jahahon ma ganup parsiajaran i, unang holan sasabagian

• Ulas ma na dijaha hamu. Ulas ma sungkunsungkun na di halaman i dohot angka gombar. Molo porlu, jaha jala ulas ma angka ayat na dibahen disi. Patorang ma, ganup subjudul mangalusi sungkunsungkun na gabe judul ni parsiajaran i

• Molo adong kotak ”Lului Laho Patangkashon”, jaha ma i jala jujui ibana mangihuthon tudutudu i