HANGOLUAN NI HALAK KRISTEN

Urupi ma Halak Kristen na so Aktif

Sahalak parmahan na marsitutu mangurupi sada birubiru na mago

Ari Selasa tanggal 11 April, godang do halak Kristen na so aktif na laho ro tu Borngin Parningotan. Sasintongna, nunga marsitutu nasida asa boi dohot mandapot ngolu na salelengna. Alai, sai adong do na mambahen nasida gabe gale di partondion, songon na dipaboa di brosur Kembalilah kepada Yehuwa. (Heb 12:1) Arga do nasida di Jahowa. Alana, nunga ditobus Jahowa nasida marhite mudar ni anakNa. (Ul 20:28; 1Ptr 1:18, 19) Songon dia do cara mangurupi nasida asa mulak muse tu huria?

Marsitutu do angka sintua mangalului halak Kristen na so aktif, dos songon parmahan na mangalului birubiru na mago sian punguanna. (Luk 15:4-7) On patuduhon holong ni Jahowa tu nasida. (Jer 23:3, 4) Alai ndang holan sintua na ingkon mangulahon i. Boi do hita sude patoguhon nasida. Molo marsitutu hita mangurupi nasida, on mambahen las roha ni Jahowa jala dipasupasu ma hita. (Poda 19:17; Ul 20:35) Alani i, pingkirhon ma ise na laho patoguonmu, jala pintor ulahon ma i saonari!

Si Laura mangida sian jandela, si Abbey martangiang, si Abbey dohot si Laura marsihaolan jala marpoto

TONTON MA VIDEO MANGURUPI HALAK NA SO AKTIF, DUNG I ULAS MA SUNGKUNSUNGKUN ON:

Aha do na diulahon si Abbey tingki pajumpang ibana dohot Sitindangi na so ditanda?
Molo adong sasahalak na so aktif na porlu taurupi, boasa ingkon jolo tasungkun taringot i tu sintua?
Songon dia do si Abbey paradehon dirina tingki laho manjumpangi si Laura na paduahalihon?
Songon dia do si Abbey patuduhon hiras ni roha, hasabaron, dohot holong tingki laho patoguhon si Laura?
Aha do na taparsiajari sian tudosan ni Jesus di Lukas 15:8-10?
Aha do pasupasu na dilehon Debata ala marsitutu nasida mangurupi si Laura?