Marlas ni Roha Tingki Marbarita na Uli

Hea do maol dihilala hamu marbarita? Godang sian hita mandok hea. Boasa? Ra, godang do na so manjangkon, gabe muruk nasida manang mabiar hita mangkatai tu na so tatanda. Tontu, on mangorui las ni rohanta. Alai ingot ma, hita manomba Debata na martua jala lomo rohaNa asa las rohanta manomba Ibana. (Ps 100:2; 1Tim 1:11) Aha do tolu na porlu taingot asa las rohanta tingki marbarita?

Parjolo, hita pasahathon barita pangkirimon. Nang pe ndang godang na mamparrohahon barita on, boi do tapasahat ”barita na uli, na patubegehon hatuaon” tu nasida. (Jes 52:7) Barita na uli taringot Harajaon ni Debata pe boi do mambahen las rohanta. Andorang so marbarita, rimangi ma pasupasu ni Harajaon ni Debata tu tano on.

Paduahon, barita na tapasahat marlaba di pardagingon dohot di partondion. Boi ma nasida marsiajar pasidingkon ulaon na parohon jea jala mangkirim mangolu salelengna. (Jes 48:17, 18; Rom 1:16) Tarimangi ma ulaon on, na songon mangalului jala paluahon halak. Nang pe pigapiga halak ndang lomo rohana dipalua, alai tongtong ma talului na olo dipalua.​—Mat 10:11-14.

Patoluhon jala na rumingkot, hita pasangaphon Jahowa. Arga situtu do ulaon marbarita di Jahowa. (Jes 43:10; Heb 6:10) Basa do Jahowa mangalehon tondi parbadia na mangurupi hita di ulaon on. Pangido ma tu Jahowa asa marlas ni roha hamu. Alana, i do sada sian parbue ni tondi. (Gal 5:22) Marhite pangurupionNa, boi ma taadopi holso ni roha jala barani marbarita. (Ul 4:31) Nang pe ndang dijangkon tingki marbarita, boi do las rohanta tingki marbarita.​—Hes 3:3.

TONTON MA VIDEO MARLAS NI ROHA ALA MARSIAJAR JALA MANGARIMANGI, JALA ULAS MA SUNGKUNSUNGKUN ON:

• Nang pe ringgas hita marbarita ganup bulan, boasa ringkot mamparrohahon hasomalanta marsiajar Bibel?

• Songon dia do caranta maniru si Mary?

• Tingki sadihari do hamu mangarimangi Hata ni Debata?

• Aha do na mambahen las rohamuna tingki marbarita na uli?