ARTA NA ARGA NA ADONG DI BIBEL
Cara Asa Ringgas Mamparsiajari Bibel
Olo do hamu songon si Daniel, tongtong togu tingki ro pangunjunan? Ringgas do si Daniel mamparsiajari Hata ni Debata dohot angka surirang na maol antusan. (Dan 9:2) Molo ringgas hita mamparsiajari Bibel, boi ma hita tongtong togu. Boasa? On paposhon rohanta tu surirang ni Jahowa na laho dipasaut. (Jos 23:14) Lam tahaholongi ma Debata, jala gabe taronjar ma rohanta mangulahon na sintong. (Ps 97:10) Alai songon dia do carana? Taulas ma:
Aha do na laho siparsiajaran? Na boi taratur taparsiajari, i ma angka bahan na laho diulas di parpunguan. Gumodang do laba na tadapot molo talehon tingki, laho manulingkiti angka na hurang taantusi di panjahaion Bibel ganup minggu. Adong do na mamparsiajari taringot angka surirang, parbue ni tondi, pardalanan ni si Paulus gabe misionaris, manang angka tompaan ni Jahowa. Molo adong sungkunsungkun na ro tu pingkiranmuna, surat jala bahen ma i gabe bahan laho siparsiajaran.
Didia do luluan alusna? Boi do ditonton hamu video Alat Laho Mangalului Arta di Bibel. Laho marlatik, lului ma hatorangan taringot ise do angka parhuaso di portibi on na digombarhon ni binatang buas di Daniel bindu 7.
Sadia leleng do marsiajar? Asa denggan partondionta, ingkon taratur do hita marsiajar. Mulana boi do holan satongkin. Alai lam leleng, boi do ditambai hamu tingkina. Dos songon mangalului arta na buni do mamparsiajari Hata ni Debata. Lam godang dapotmuna, lam ringgas ma hamu mangalului! (Poda 2:3-6) Lam lomo ma rohamuna mamparsiajari Hata ni Debata, gabe lam taratur ma hamu mamparsiajari Bibel.—1Ptr 2:2.
AHA DO NA DIGOMBARHON NI BINATANG BUAS NA DISURAT DI DANIEL BINDU 7?
SUNGKUNSUNGKUN:
Songon dia do Daniel 7:8, 24 digohi?
SIPARSIAJARAN:
Aha do na digombarhon ni binatang di Pangungkapon bindu 13?