HANGOLUAN NI HALAK KRISTEN
Ringkot do Marbarita dohot Mangajari Halak na Asing
Disuru Jesus do angka siseanna mangurupi halak marsiajar Bibel. (Mat 28:19) Lapatanna, ingkon marbarita dohot mangajari. Alani i, ingkon jotjot do tasungkun dirinta, ‘Songon dia do carana asa lam malo ahu mangalului halak na olo marsiajar Bibel?’
MARBARITA
Ingkon hita do na marsitutu mangalului halak na “olo manjalo” barita na uli. (Mat 10:11) Sai rade do hita marbarita tu manang ise pe na jumpangta? (Ul 17:17) Umpamana, si Lidia gabe halak Kristen ala rade do si Paulus marbarita manang sadihari pe.—Ul 16:13-15.
“Sogot manogotna i saburhon bonim jala unang patait tanganmu nang bodarina i” (Pjm 11:6)
TONTON MA VIDEO TONGTONG MA MARBARITA MANANG SADIHARI PE JALA SIAN JABU TU JABU, DUNG I ALUSI MA SUNGKUNSUNGKUN ON:
Ganup ari, songon dia do si Samuel marsitutu mangulahon ulaon marbarita?
Boasa ingkon rade hita mangulahon marragam cara laho marbarita?
Tu angka ise do hamu marbarita ganup ari?
MANGAJARI
Asa adong parsiajar Bibelta, unang ma holan manadingkon sijahaon. Alai ingkon tajumpangi do nasida muse jala tamulai marsiajar Bibel dohot nasida. (1Kor 3:6-9) Boha do molo sasahalak naung taurupi i ndang mangulahon na pinarsiajaranna? (Mat 13:19-22) Talului ma muse halak na asing na dos songon “tano na denggan”.—Mat 13:23; Ul 13:48.
“Ahu do manuan, Apollos do pabornokkon; alai Debata do patubuhon” (1Kor 3:6)
TONTON MA VIDEO TONGTONG MA MARBARITA DI INGANAN NA RIBUR JALA MANGALULUI HALAK NA OLO MARSIAJAR, DUNG I ALUSI MA SUNGKUNSUNGKUN ON:
Songon dia do si Salomo dohot si Maria mangurupi si Hesekiel dohot si Abigail mangulahon na pinarsiajaran ni nasida?
Boasa ingkon taulahon marragam cara laho marbarita, umpamana marbarita di inganan na ribur?
Boasa ingkon marsitutu hita mangajari halak na asing?