“Naung Pinadomu ni Debata . . . ”

Di Patik ni si Musa, molo adong baoa na naeng manirangkon tungganeboruna, ingkon dibahen do surat sirang. Boasa on ringkot? Asa unang lomolomo ni halak naeng marsirang. Alai di tingki ni Jesus, diloas angka pemimpin ni agama do marsirang. Ujungna, lomolomo ni angka baoa ma manirangkon tungganeboruna. (Hatorangan sian nwtsty-E taringot Mrk 10:4, 11) Didok Jesus, arga do parsaripeon i di adopan ni Jahowa. (Mrk 10:2-12) Naung mardongan saripe nunga gabe “sada daging” saleleng ni lelengna. Hombar tu na disurat si Mateus, diloas Bibel pe marsirang, molo na marsaripe i mangulahon “parmainanon”.​—Mat 19:9.

Saonari, godang halak na marsaripe mangihuthon na nidok ni halak Parise, ndang na nidok ni Jesus. Molo adong parsoalan, pintor naeng sirang. Alai halak Kristen, tongtong do diingot janji di parsaripeon ni nasida jala pasaehon parsoalan mangihuthon prinsip ni Bibel. Dung ditonton hamu video Ringkot ni Holong dohot Burju ni Roha, alusi ma sungkunsungkun on:

• 

  Hombar tu Poda 15:1, aha do na ingkon diulahon hamu jala boasa i ringkot?

• Molo adong parsoalan, songon dia do Poda 19:1 mangurupi hamu?

• Aha do na ingkon dirimangi hamu molo godang parsoalan di parsaripeonmuna?

• Songon dia do Mateus 7:12 mangurupi hamu lam denggan maradophon dongan saripemuna?