Boi do Diida Hamu Angka Parange ni Debata?

Boi ma taboto huaso ni Debata, tingki taida marragam bunga, angka bintang na di langit, manang air terjun. Tarida do angka parange ni Debata sian angka tompaanna. (Rom 1:20) Molo tarimangi sude on, boi ma taboto molo Debata i parhuaso, parholong, marbisuk, tigor jala burju.​—Ps 104:24.

Angka tompaan na dia do na jotjot diparrohahon hamu? Nang pe tading di kota hamu, boi do diida hamu angka pidong manang angka pohon. Molo tarimangi taringot angka tompaan ni Jahowa, boi do i mambahen hita asa unang paholsohu jala ndang sai mamingkiri hasusaanta. Gabe lam pos ma rohanta sai na disarihon Jahowa do hita. (Mat 6:25-32) Molo adong ianakhonmu, ajari ma nasida asa mamboto angka parange ni Jahowa sian angka tompaanna. Molo taargai angka tompaan, lam leleng boi ma gabe lam solhot hita tu Debata.​—Ps 8:4, 5.

TONTON MA VIDEO ANGKA TOMPAAN PAPATARHON HAMULIAON NI DEBATA—CAHAYA DOHOT WARNA, DUNG I ALUSI MA SUNGKUN-SUNGKUN ON:

• Boasa boi taida angka warna?

• Boasa boi adong warna na marhillong?

• Boasa boi taida marragam warna ni langit?

• Angka warna aha ma na boi diida hamu di ingananmuna?

• Boasa hita porlu mangarimangi angka tompaan na adong di humaliangta?