Aha do na Diulahon Hamu Andorang So Borngin Parningotan?

Mulai taon on, molo Ari Parningotan i dibahen ndang di ari Sabtu manang Minggu, ndang adong Parpunguan Hangoluan dohot Pangkobasion di minggu i. Alai molo Ari Parningotan i dibahen di ari Sabtu manang Minggu, ndang adong jamita dohot parsiajaran Joujou Paboahon di minggu i. Jadi godang ma tingkinta laho paradehon dirinta andorang so Ari Parningotan. Antong, aha do na boi taulahon? Songon halak Kristen di abad na parjolo, adong do na ingkon taparade andorang so Borngin Parningotan i. (Luk 22:7-13; km-IN 3/15 1) Umpamana, taparade ma rohanta. Songon dia carana?

• Rimangi ma boasa ringkot ro tu Borngin Parningotan.​—1Kor 11:23-26

• Pingkirhon ma songon dia parale-aleonta tu Jahowa, jala tangiangkon ma i.​—1Kor 11:27-29; 2Kor 13:5

• Jaha jala rimangi ma angka parsiajaran na mangulas taringot Ari Parningotan.​—Joh 3:16; 15:13

Adong do donganta na manjaha jala mangarimangi panjahaion Bibel tu Ari Parningotan sian ayat harian. Adong do muse na manjaha angka ayat na adong di tabel na di toru on. Na asing muse marsiajar sian majalah Joujou Paboahon na mangulas taringot Ari Parningotan dohot taringot holong ni Jahowa dohot Jesus. Jadi manang aha pe bahan na diparsiajari hamu, sai anggiat ma i mambahen lam jonok hamu tu Jahowa dohot tu Jesus.