ARTA NA ARGA NA ADONG DI BIBEL | GALATIA 4-6
Lapatan ni “Sada Gombaran” i tu Hita
Dipangke apostel Paulus do “sada gombaran” i laho patuduhon dumenggan do padan na imbaru molo dibandingkon tu Patik ni si Musa. Ala Jesus Kristus dohot angka na miniahan do na mamarenta, boi ma sude jolma malua sian dosa, hasusaan, dohot hamatean.—Jes 25:8, 9.
HATOBAN NA MARGOAR SI HAGAR Halak Israel na mangihuthon Patik ni si Musa. Jerusalem ma ibukotana |
BORUA NA MERDEKA NA MARGOAR SI SARAH Jerusalem na di banua ginjang, i ma organisasi ni Debata na di surgo |
“ANAK” NI SI HAGAR Angka halak Jahudi (na marjanji tu Jahowa laho mangihuthon Patik ni si Musa) na menganiaya jala mangalo Jesus |
“ANAK” NI SI SARAH Kristus dohot 144.000 halak Kristen na miniahan |
DIPARHATOBAN ALANI PATIK NI SI MUSA Patik i paingothon halak Israel, na diparhatoban dosa do nasida |
PADAN NA IMBARU PAROHON HALUAON Molo porsea angka jolma tu tobusan ni Jesus Kristus, boi ma nasida malua sian dosa |