HANGOLUAN NI HALAK KRISTEN

Las do Roha ni Jahowa Molo Ias Angka Naposona

Jotjot do angka natua-tua mangajari ianakhonna asa tongtong ias. Ra, didok do tu nasida, ‘Cuci tanganmi. Paias jabu. Sapu lante i. Bolongkon sampah.’ Alai sasintongna, angka na diajarhon natua-tua ro sian Jahowa. (2Mus 30:18-20; 5Mus 23:15; 2Kor 7:1) Molo tajaga pamatangta dohot angka barangta tongtong ias, na pasangaphon Jahowa do hita disi. (1Ptr 1:14-16) Suang songon i muse tu jabu dohot humaliangta. Nang pe angka halak mambolongkon sampah sembarangan, alai didia pe hita, ingkon tongtong do tajaga ias humaliangta. (Ps 115:16; Pgk 11:18) Dohot ma i, ndang sembarangan mambolongkon bungkus ni permen, kaleng minuman, manang permen karet. Di parngoluonta siganup ari, tapatudu ma na “parhobas ni Debata” do hita.—2Kor 6:3, 4.

TONTON MA VIDEO LAS DO ROHA NI JAHOWA MOLO IAS ANGKA NAPOSONA, DUNG I ALUSI MA SUNGKUN-SUNGKUN ON:

Aha do alasan ni piga-piga halak ndang manjaga barangna asa tongtong ias?
Songon dia do Patik ni si Musa patuduhon cara marpingkir ni Jahowa taringot manjaga diri tongtong ias?
Songon dia do hita boi pasangaphon Jahowa sian parniulaonta?

Sahalak ama masuk tu mobil ni anakna na mansai kotor; sahalak ama dohot anakna mangulas aturan ni Jahowa asa tongtong ias; dua malim di tingki ni halak lsrael paiashon diri sian bak tombaga; angka dongan na laho marbarita kaluar sian mobil ni anakna naung dipaias — Songon dia do ahu patuduhon cara marpingkir ni Jahowa di ngolungku taringot manjaga diri tongtong ias?