Aha do na Diparsiajari Hamu sian Akka Ende di JW Broadcasting?

Aha do ende favoritmuna sian JW Broadcasting? Boasa lomo rohamuna tu ende i? Molo diparrohahon hamu video ni akka ende i, cocok do i tu situasi na diadopi hamu? Ala marragam do tema ni akka ende i dohot jenis musikna, marlaba do i tu sude halak. Alai akka ende dohot videona i, dang holan gabe hiburan sambing.

Ganup ende i mangajari hita asa gabe halak Kristen na denggan. Adong do ende na mangajari hita asa burju mangalehon, marsada, marale-ale, barani, makkaholongi, manang marhaporseaon. Adong muse ende na patuduhon rikkot ni mulak tu Jahowa, manalpuhon hasalaan, marsihohot, jala marsitutu manomba Jahowa. Asing ni i, adong do ende na manjujui hita asa unang lalap mar-HP. Parsiajaran aha do muse na dapotmuna sian akka ende di JW Broadcasting?

TONTON MA VIDEO NI ENDE NUNGNGA TUNG JONOK HIAN. DUNG I, ALUSI MA SUKKUN-SUKKUN ON:

• Pasu-pasu aha do na dirimangi dongatta naung matua di video i?​—1Mus 12:3

• Songon dia asa lam pos rohatta na boi do Jahowa pasautton akka janjina?

• Ise do na lao dijuppangi hamu di Paradeiso?

• Songon dia pakkirimon taringot Harajaon ni Debata boi mambahen hita toktong martahan mangadopi sitaonon?​—Rom 8:25