Lam Tu Dengganna Marbarita​—Marbarita tu na Buta

BOASA RIKKOT: Biasana, dang pola lomo roha ni halak na buta makkatai tu halak na so tinandana. Jadi, porlu do terampil hita marbarita tu nasida. Dihaholongi Jahowa do akka na buta. (3Mus 19:14) Alani i, tatiru ma Jahowa. Taurupi ma akka na buta asa boi nasida marale-ale tu Jahowa.

CARA MANGULAHON I:

• Mangalului halak na buta. (Mat 10:11) Adong do ditanda hamu sasahalak na adong keluargana na buta? Di daerahmuna, adong do sikkola tu na buta, panti jompo, manang inganan na asing na olo manjalo publikasinta na diparade tu na buta?

• Patudu ma na parduli hamu tu nasida. Molo burju hamu jala parduli tu nasida, gabe lomo ma rohana makkatai tu hamu. Hatai ma topik na menarik di daerahmuna

• Urupi ma nasida mandapot publikasinta. Diparade organisasi do publikasi lao mangurupi akka na buta manang na hurang takkas marnida. Sukkun ma ibana cara na songon dia do na dihalomohon rohana tikki marsiajar. Boi do pengawas dinas mangido asa diisi hamba lektur pesanan publikasi tu akka na buta