HANGOLUAN NI HALAK KRISTEN
Unang Pararat Hata na So Toho
Saonari on, boi do hatop rarat barita tu godang halak sian koran, radio, TV dohot Internet. Akka na manomba “Debata ni hasintongan”, dang olo pararatton barita na so toho nang pe so sengaja. (Ps 31:6; 2Mus 23:1) Bahaya do pasahatton hata na so toho tu halak na asing. Lao mamastihon sada barita sittong manang dang, tasukkun ma diritta:
‘Boi do dihaporseai na pasahatton barita on?’ Sipata na pasahatton barita i dang diboto songon dia na sasittongna. Olo do carita sian sasahalak dipasahat tu na asing gabe muba caritana. Ikkon manat do hita mamboto sian dia parjolo sahali carita i ro. Tarlumobi na martanggung jawab di huria ikkon manat pasahatton barita na so pasti dope hasittonganna, alana pittor dihaporseai do molo nasida na pasahatton barita
‘Gosip do barita i?’ Molo gabe paroa-roahon goar ni halak do, unang ma tapasahat barita i.—Poda 18:8; Plp 4:8
‘Masuk akkal do barita i?’ Ikkon manat ma hita tikki mambege barita na palobihu caritana
TONTON MA VIDEO SONGON DIA ASA UNANG MARGOSIP?, DUNG I ALUSI MA SUKKUN-SUKKUN ON:
Sian Poda 12:18, boi do parohon jea hata na tadok?
Songon dia Pilippi 2:4 mangurupi hita asa manat tikki makkatai taringot halak na asing?
Aha na ikkon taulahon tikki tabege sasahalak pahata-hatahon halak na asing?
Andorang so tahatai sasahalak, sukkun-sukkun aha ma na ikkon tapikkiri?