Kampanye Lao Paboahon Harajaon ni Debata di Bulan November

Dibaritahon Jesus do “barita na uli taringot tu Harajaon ni Debata”. (Luk 4:43) Diajari ibana do muse akka halak manangiakkon Harajaon i. (Mat 6:9, 10) Saleleng bulan November, lao tabahen do kampanye paboahon taringot Harajaon ni Debata. (Mat 24:14) Atur ma tikkimuna asa boi dohot tu kampanye on. Sude na naeng merintis ekstra di bulan i boi do mamillit 30 manang 50 jom.

Jahahon ma ayat ni Bibel taringot Harajaon ni Debata tu sude halak na boi dijuppangi hamu di ingananmuna marbarita. Tikki naeng manjahahon sada ayat, pikkirhon ma aha agama ni na manangihon i. Molo lomo roha ni sasahalak manangihon, lehon ma Joujou Paboahon edisi umum No. 2 2020. Molo boi, pittor hatop ma juppangi hamu muse ibana. Jala mulai ma marsiajar Bibel mamakke sijahaon sian Akka Alat Lao Mangajari. On ma tikkina hita patuduhon setia hita tu Jahowa dohot tu Harajaonna! Alana satokkin nai hancurhonon ni Harajaon ni Debata nama sude pamarettaon ni jolma.​—Dan 2:44; 1Kor 15:24, 25.