Ajarhon ma tu Gellengmuna na Porlu Diboto Nasida

Godangan halak saonari on mandok na jahat i denggan. (Jes 5:20) Jala adong piga-piga halak na mangulahon ulaon na dihagigihon Debata, termasuk ma i mangulahon seks bawa tu bawa manang borua tu borua. Adong do piga-piga na poso diajak lao mangulahon i. Songon dia do hamu mangurupi gellengmuna asa unang olo diajak mangulahon i?

Ajari ma gellengmuna asa diboto nasida songon dia pandangan ni Jahowa taringot i. (3Mus 18:3) Ajarhon ma nenget-nenget pandangan ni Bibel taringot seks tu gellengmuna sesuai tu umurna dohot tu na diboto ibana. (5Mus 6:7) Pikkirhon ma: ‘Huajari do gellengku asa marpangalaho na denggan, asa sopan marpakkean, jala asa unang olo dijama-jama halak? Huajari do gellengku asa unang olo diajak manonton pornografi manang diajak mangulahon seks na so patut?’ Molo nga diattusi nasida taringot i, dang sega nasida. (Poda 27:12; Pjm 7:12) Molo denggan diajari hamu gellengmuna taringot seks, patuduhon na diargai hamu do warisan ni Jahowa.​—Ps 127:3.

TONTON MA VIDEO PAJONGJONG MA JABU NA BOI MARTAHAN​—JAGA MA GELLENGMUNA SIAN NA JAHAT, DUNG I ALUSI MA SUKKUN-SUKKUN ON:

• 

  Boasa adong natua-tua dang olo mangajari gellengna taringot seks?

• 

  Boasa natua-natua ikkon ‘mangajar-ajari jala mamodai gellengna hombar tu lomo ni roha ni Jahowa’?​—Eps 6:4

• 

  Aha do na dibahen organisasi ni Jahowa lao mangurupi natua-tua mangajari gellengna taringot seks?​—w19.05 12, kotak

• Boasa natua-tua ikkon nenget-nenget mangajari gellengna taringot seks?