Nungnga Dibahen Hamu Persiapan tu Acara Borngin Parningotan?

Massai rikkot do acara Paska na parpudi di Jesus. Ala naeng mate ibana satokkin nai, naeng rap mangan ma ibana dohot akka apostelna di acara i. Jala naeng dipatandahon ibana do sada perayaan na baru, i ma Borngin Parningotan ni Tuan. Jadi disuru ibana ma si Petrus dohot si Johannes paradehon sada kamar parginjang. (Luk 22:7-13; ida gambar sampul.) Sada sipaingot na denggan do on di hita. Porlu do hita mambahen persiapan tu acara Borngin Parningotan di tanggal 27 Maret on. Olo do ra nungnga ditottuhon akka huria ise na lao marjamita, ise na mambahen roti dohot anggur, dohot na asing. Alai hita sandiri pe porlu do mambahen persiapan tu acara Borngin Parningotan on. Akka aha ma i?

Parade ma rohamuna. Ihutton ma jadwal Panjahaion Bibel di Minggu Parningotan jala lehon ma tikkimuna lao mangarimangi i. Adong do jadwal i di Manulikkit Hata ni Debata Ganup Ari. Boi do muse diida hamu unggodang hatorangan taringot i di Lampiran B12 sian Bibel Hata ni Debata tu Akka Jolma na Naeng Mangolu di Tano na Imbaru. (Ida ma muse Hangoluan dohot Pangkobasion ni Halak Kristen April 2020.) Tikki ibadat keluarga, boi do dipakke hamu Tudutudu na Dipangke Sitindangi Ni Jahowa Laho Marsiajar manang Indeks Publikasi Menara Pengawal lao mangalului hatorangan taringot rikkot ni tobusan.

Undang ma na asing. Dohot ma hamu mambagihon undangan Parningotan i. Pikkiri ma akka ise na naeng diundang hamu, contohna kunjunganmuna, na hea marsiajar, donganmuna, dohot keluargamuna. Akka sintua pe porlu do mamastihon mangundang akka donganta na so aktif. Molo di luat na asing do tinggal donganta na so aktif i, boi do dilului hamu didia jala andigan acara Borngin Parningotan dibahen di ingananna tinggal. Ida ma i di jw.org/bbc di bagian TARINGOT HAMI jala pillit ma “Parningotan”.

Aha do muse na boi tapersiappon?