Ise do Donganmu di Media Sosial?

Hata sahabat lapatanna, i ma “sasahalak na olo kompak tu na asing ala holong rohana jala diargai ibana halak i”. Contohna, si Daud dohot si Jonatan. Dung dipamate si Daud si Goliat, gabe bersahabat ma si Daud dohot si Jonatan. (1Sam 18:1) Boi do sifat ni sasahalak mambahen lomo roha ni halak na asing naeng mardongan dohot ibana. Jala molo nga diboto songon dia sifat ni donganna be, boi ma martahan persahabatan ni nasida. Jadi porlu do tikki dohot upaya lao mamboto sifat na denggan sian halak na asing. Alai molo di media sosial mura do sasahalak mandapot dongan, holan tinggal mangklik tombol perangkat elektronikna. Alana molo di media sosial boi do dibahen-bahen sasahalak aha na lao dokkononna jala boi do ditabunihon ibana sifat aslina. Jadi ikkon hati-hati do hita lao mamillit dongan di media sosial. Unang pola mabiar hamu menolak mardongan tu halak na so ditanda hamu jala unang pola mabiar hamu gabe haccit rohana. Adong do halak na so olo mamakke media sosial manang aha pe, ala nungnga diboto ibana bahayana. Alai molo olo do hamu mamakke media sosial, aha ma na porlu diingot hamu?

TONTON MA VIDEO MARBISUK MA MAMANGKE JEJARING SOSIAL, DUNG I ALUSI MA SUKKUN-SUKKUN ON:

• 

  Aha do na ikkon dipikkirhon hamu sebelum mambahen komentar dohot foto tu jejaring sosial?

• 

  Boasa ikkon manat hamu mamillit dongan di jejaring sosial?

• 

  Boasa ikkon dibatasi hamu waktumuna lao mamakke jejaring sosial?​—Eps 5:15, 16