Hatai ma taringot Situasi na Baru Terjadi di Daerahmuna

Najolo, olo do dihatai Jesus taringot akka situasi na baru terjadi lao paboahon sada parsiajaran tu akka halak. (Luk 13:1-5) Hita pe tikki marbarita, boi do tahatai taringot akka na baru terjadi asa berminat halak mambege barita na tapasahat. Misalna, boi do dihatai hamu taringot maol ni mangalului hepeng, bencana alam, kerusuhan, kecanduan narkoba, manang na asing. Dung i, boi ma disukkun hamu tu nasida songon: “Molo menurut hamu, boi do haduan dang adong be . . . ?” Manang “Molo menurut hamu, songon dia do carana asa unang adong be . . . ?” Dukkon i, jaha ma ayat ni Bibel na adong hubunganna tu topik i. Molo berminat nasida, patudu ma video manang sijahaon sian Akka Alat Lao Mangajari. ‘Tabahen ma sude cara’ lao paboahon barita na uli i asa boi hona tu roha ni akka halak.​—1Kor 9:22, 23.

Topik aha do na menarik dihatai di daerahmuna?