Merintis

Tabahen ma nasa gogotta lao mangalehon unggodang tikki tu Jahowa. (1Kor 9:26) Ala nungnga massai jonok ari ni Jahowa, denggan do molo tabahen cita-citatta. Alana boi do i mangurupi hita asa denggan mamakke tikki. (Eps 5:15, 16) Tikki ibadat keluarga, bahas hamu ma cita-cita aha do na cocok tu keluargamuna tu taon dinas na baru. Ida hamu ma lembaran pangkobasion on. Adong do disi akka cita-cita na boi dipillit hamu, dung i tangiakkon hamu ma i.​—Jak 1:5.

Misalna bahen hamu ma perencanaan asa boi nanggo sahalak sian keluargamuna gabe perintis biasa. Jala berusaha ma hamu sakeluarga mendukung ibana. Alai molo ragu hamu boi do manang na dang dipenuhi hamu annon kuota jam dinas, pangido ma saran sian akka perintis na mungkin sarupa situasina tu hamu. (Poda 15:22) Boi do diajak hamu perintis i tikki ibadat keluarga hamu. Dung i bahen hamu ma jadwalmuna. Molo hea do hamu merintis najolo, coba ma pareso muse situasimuna atik na boi do hamu merintis muse.

Adong do sian keluargamuna na boi merintis ekstra sabulan manang lobi? Molo terbatas do gogomuna, boi dope ra hamu merintis ekstra. Carana, tiap ari ma hamu marbarita alai sasatokkin. Jala molo terbatas do waktumuna marbarita ala karejo manang ala sikkola hamu, tetap do hamu boi merintis ekstra. Carana, pillit hamu merintis ekstra di bulan na adong hari liburna manang di bulan na lima akhir pekanna. Tandai hamu ma di kalender bulan piga hamu naeng merintis ekstra, jala bahen ma jadwalmuna.—Poda 21:5.

TONTON MA VIDEO BARANI MA HAMU . . . ANGKA PERINTIS, DUNG I ALUSI MA SUKKUN-SUKKUN ON:

• Aha do na boi taparsiajari taringot Jahowa sian pengalaman ni si Aamand?