Na Boi Diulahon Hamu asa Marlas ni Roha Keluargamuna

Lomo do roha ni Jahowa asa marlas ni roha akka keluarga. (Ps 127:3-5; Pjm 9:9; 11:9) Alai sai adong do masalah na mambahen dang marlas ni roha. Mungkin adong anggota keluarga na mambahen kesalahan. Jadi aha ma na boi diulahon ganup anggota keluarga asa toktong marlas ni roha?

Molo hamu sahalak suami, ikkon sangap do dibahen hamu istrimuna. (1Ptr 3:7) Porlu do dilehon hamu tikkimuna asa boi rap padua-dua dohot istrimuna. Asing ni i, unang ma pagodangku tuntutanmuna tu istrimuna. Jala unang ma lupa hamu mandok mauliate tu kerja keras ni istrimuna. (Kol 3:15) Patudu ma na holong do rohamuna tu istrimuna jala puji ma ibana.​—Poda 31:28, 31.

Molo hamu sahalak istri, sai bahen ma na denggan tu suamimuna. (Poda 31:12) Unduk ma hamu tu suamimuna jala olo ma bekerja sama. (Kol 3:18) Lambok ma hamu makkatai tu suamimuna jala unang ma paroa-roa ibana.​—Poda 31:26.

Molo hamu natua-tua, bahen ma tikkimuna tu ianakkonmuna. (5Mus 6:6, 7) Dokkon ma tu ianakkonmuna na holong do rohamuna tu nasida. (Mat 3:17) Molo sala gelengmuna, disiplin ma nasida alai unang ma kasar. Paboa ma tu nasida, dibahen hamu pe songon i ala holong do rohamuna tu nasida.​—Eps 6:4.

Tu hamu akka ianakkon, sangap ma hamu tu natua-tuamuna jala oloi hamu ma nasida. (Poda 23:22) Paboa ma na di roha dohot na di pikkiranmuna tu natua-tuamuna. Molo didisiplin natua-tuamuna hamu, jalo ma jala argai ma i.​—Poda 19:20.

TONTON MA VIDEO DRAMA MARLAS NI ROHA MA HAMU DI KELUARGAMUNA, DUNG I ALUSI MA SUKKUN-SUKKUN ON:

Aha ma na boi diulahon ganup anggota keluarga asa toktong marlas ni roha?