Diingot Hamu Do?

Nungnga taparsiajari be sude Joujou Paboahon terbitan 2020. Saonari taalusi ma akka sukkun-sukkun on:

Ikkon songon dia do hita maradoppon akka na miniahan?

Taargai do sude na dibahen nasida, alai unang palobihu. Unang ma hita “mamuji-muji” nasida. (Jud. 16) Unang pola naeng taboto sude taringot harapan ni nasida.​—w20.01, hlm. 29.

Sian dia do taboto na diparrohahon Jahowa hita?

Bibel mandok nungnga diparrohahon Jahowa hita andorang so tubu dope. Ditangihon do tangiangta. Diboto do na adong di roha dohot pikkiranta, jala aha na taulahon boi do mambahen las rohana manang na dang. (1 Kron. 28:9; Poda 27:11) Jahowa do na manogu hita gabe naposona.​—w20.02, hlm. 12.

Andigan do tikki na pas hita makkatai dohot hohom?

Tikki paboahon taringot Jahowa ikkon makkatai do hita. Ikkon makkatai do tong hita tikki taida adong donganta naeng mangulahon na sala. Akka sintua pe ikkon makkatai do molo adong dongan na porlu dipasingot. Ikkon hohom do hita molo adong na manukkun taringot ulaon marbarita di inganan na diorai pamaretta. Jala unang ma tapaboa-boa akka rahasia.​—w20.03, hlm. 20-21.

Sian dia do taboto asing do sihapor na disurat di Joel bindu 2 dohot na disurat di Pangungkapon bindu 9?

Joel 2:20-29 paboahon dipalao Debata do akka sihapor i jala marjanji do Debata asa dipaulak sude akka naung disegai sihapor i. Dung i, diusehon Debata ma tondi parbadiana. Masa ma i mulai sian na diserang halak Babel halak Israel. Molo sihapor na dipaboa di Pangungkapon 9:1-11 manggombarhon akka naposo ni Jahowa na miniahan na barani paboahon barita panguhuman. Barita ni nasida mambahen muruk akka halak.​—w20.04, hlm. 3-6.

Ise do raja utara di tikkitta saonari?

Rusia dohot sekutuna. Dibahen nasida do keputusan na mambahen susa naposo ni Debata, diorai nasida do ulaonta marbarita, jala dianiaya do akka donganta. Bersaing do nasida dohot raja selatan.​—w20.05, hlm. 13.

Holan na disurat di Galatia 5:22, 23 do na gabe “parbue ni tondi parbadia”?

Daong. Alai godang dope parange na asing na hombar tu lomo ni roha ni Debata. (Eps. 5:8, 9)—w20.06, hlm. 17.

Aha do bahayana molo tapatudu artatta di internet?

Molo sai tapatudu artatta di internet, olo do dirippu halak na ginjang rohatta. Jala i dang patuduhon serep ni roha.​—w20.07, hlm. 6-7.

Aha do na boi diparsiajari halak Kristen sian panjala dekke?

Tikki marbarita na uli hita, tatiru ma cara ni panjala dekke. Misalna manjala dekke do nasida di inganan na godang dekkena. Malo do nasida mamakke akka alat ni nasida. Jala barani do nasida nang pe muba-uba cuaca.​—w20.09, hlm. 5.

Songon dia carana mangurupi parsiajar Bibelta asa makkaholongi Jahowa?

Tajujui ma nasida manjaha jala mangarimangi Bibel ganup ari. Jala taajari ma nasida martangiang.​—w20.11, hlm. 4.

Ise do na dimaksud ni si Paulus tikki didok ibana “sude jolma mulak mangolu alani Kristus”?​—1 Kor. 15:22.

Dang sude jolma maksud ni si Paulus dison. Holan akka halak na dipillit tu surgo do, “naung dipabadia asa marsada dohot Kristus Jesus”. (1 Kor. 1:2; 15:18)—w20.12, hlm. 5-6.

Aha do na diulahon akka halak na miniahan na dipauba di bagasan “sangkidop mata”?​—1 Kor. 15:51-53.

Marmahan akka bangso ma nasida rap dohot Jesus mamakke tukkot bosi. (Pgk. 2:26, 27)—w20.12, hlm. 12-13.