Dibege Debata Do Tangiangmuna?
Tikki martangiang hamu, pos do rohamuna na dibege Debata tangiangmuna?
AHA NA DIDOK BIBEL?
Dibege Debata do tangiangmuna. Bibel mandok, “Jonok do Jahowa tu sude halak na jou-jou tu Ibana, na jou-jou tu Ibana sian nasa roha. . . . Ditangihon Ibana do angguk-angguk ni nasida.”—Psalmen 145:18, 19.
Dipangido Debata do hamu asa martangiang tu Ibana. Bibel mandok, “Pangido hamu ma saluhutna tu Debata marhite tangiang dohot elek-elek mardongan hamauliateon.”—Pilippi 4:6.
Parduli do Debata tu hamu. Takkas do diboto Debata aha na dipikkiri hamu dohot arsak ni rohamuna. Jala lomo do rohana naeng mangurupi hamu. Bibel mandok, “Pasahat hamu ma sude holso ni rohamuna tu Ibana, ai diparrohahon do hamu.”—1 Petrus 5:7.