Hamu Sandiri do na Manottuhon Masa Depanmuna

Hira-hira 3.500 taon naung salpu, dipaboa Jahowa do tu akka naposona aha na ikkon diulahon nasida asa boi denggan masa depan ni nasida. Didok Ibana, “Nungnga hulehon tu jolomuna sipilliton, i ma hangoluan dohot hamatean, pasu-pasu dohot bura. . . . Ikkon pillitonmuna dohot pinopparmuna do hangoluan asa mangolu hamu.”​—5 Musa 30:19.

Asa boi denggan masa depan ni nasida, ikkon dipillit nasida do dia na denggan. Suang songon i ma nang hita, ikkon tapillit do dia na denggan. Dipaboa do di Bibel songon dia carana lao mamillit masa depan na denggan. Didok, “Ikkon dihaholongi hamu do Jahowa Debatamuna [jala] ditangihon hamu hatana.”​—5 Musa 30:20.

SONGON DIA DO CARANA ASA TAHAHOLONGI JAHOWA JALA MANANGIHON HATANA?

PARSIAJARI MA BIBEL: Asa boi holong rohamuna tu Jahowa, ikkon jolo diparsiajari hamu do taringot Ibana sian Bibel. Molo diulahon hamu songon i, gabe botoonmuna ma molo Ibana Debata parholong na lomo rohana asa denggan ngolumuna. Lomo do roha ni Debata asa martangiang hamu tu Ibana. Alana, “diparrohahon do hamu”. (1 Petrus 5:7) Didok do di Bibel, molo berupaya hamu pajonokkon diri tu Debata, Ibana pe “pajonokonna ma tu hamu”.​—Jakobus 4:8.

ULAHON MA AKKA NAUNG DIPARSIAJARI HAMU: Manangihon Debata lapatanna, mangihutton sude nasehat na adong di Bibel. Molo diulahon hamu songon i, “boi ma [hamu] marhasil jala marbisuk”.​—Josua 1:8.