1 | Tangiang “Pasahat Hamu ma Sude Holso ni Rohamuna tu Ibana”

NA DIDOK BIBEL, “Pasahat hamu ma sude holso ni rohamuna tu [Debata], ai diparrohahon do hamu.”—1 PETRUS 5:7.

Lapatan ni Ayat i

Dipangido Debata Jahowa do tu hita asa tapaboa sude na adong di roha dohot pikkiranta. (Psalmen 55:22) Dang soal balga manang gelleng masalahta i, boi do i tapaboa tu Jahowa. Parduli do Jahowa tu perasaanta, jala diboto Ibana do sude na masa di ngolutta. Jadi asa boi tahilala dame ni roha, ikkon martangiang do hita tu Ibana.—Pilippi 4:6, 7.

Manfaatna ni Ayat i tu Hita

Molo mengalami gangguan mental hita, olo do sipata hita merasa kesepian jala halak na asing pe belum tentu mangattusi aha na tahilala. (Poda 14:10) Alai molo Debata, pasti olo do manangihon hita jala diattusi Ibana do perasaanta. Diida Jahowa do na masa di ngolutta tiap ari, jala diboto Ibana do sadia borat sitaononta i. Jadi lomo do roha ni Jahowa asa tapaboa arsak ni rohatta tu Ibana.—2 Kronika 6:29, 30.

Molo martangiang hita, boi do i mambahen pos rohatta na parduli do Jahowa tu hita. Gabe sarupa ma perasaanta songon na didok panurat Psalmen, “Nungnga diida ho hasusaakku, takkas do diboto Ho arsak ni rohakku.” (Psalmen 31:7) Holan taboto pe na diparrohahon Jahowa situasitta, nga boi i mambahen hita margogo menghadapi masalahta. Alai dang holan sekedar diparrohahon Debata hita, takkas do diattusi Ibana perasaanta jala lomo do rohana menghibur dohot patoguhon rohatta marhite Bibel.

Manfaat ni Bibel tu Si Julian

Kekhawatiran na Berlebihan na Huhilala

“Sering do au merasa khawatir berlebihan jala didiagnosa do au mengalami gangguan obsesif kompulsif (OCD). Jadi sering do toppu au merasa khawatir. Satokkin las rohakku, alai satokkin nai boi gabe khawatir hian au. Hape dang adong penyebabna. Tarlumobi molo nga godang halak, khawatir ma au ala hurasa hira holan au na diparrohahon nasida.

“Diboto akka donganku do sahitton. Berupaya do nasida mangurupi jala patoguhon au. Alai sejujurna, sipata hira na hurang pas do huhilala hata ni akka donganki lao patoguhon au. Nang pe songon i, tetap do huargai upaya ni nasida i.

“Sipata ikkon berjuang do au lao martangiang alani sahitton. Alana maol do au konsentrasi. Misalna, nga huboto hian aha na lao hutangiakkon. Alai tikki martangiang au, gabe bingung do au aha na lao hupasahat. Alana tikki martangiang au, olo do toppu pittor na asing hupikkiri. Jadi molo nga songon i, gabe maol ma au paboahon na di rohakku tu Jahowa.”

Manfaat ni Bibel na Hurasahon

“Sian Bibel huboto ma, dang ikkon ganjang tangiangta manang ikkon malo hita makkatai tikki martangiang. Sipata molo dang huboto aha na lao hudok di tangiakku, holan on ma na hudok, ‘Urupi ma au Jahowa.’ Dung sae au martangiang, boi ma huhilala pittor diurupi jala dipatogu Jahowa do au. Asing ni martangiang, lao do tong au marubat tu dokter. Boi ma hudok balga do pengaruh ni na martangiang i jala bermanfaat hian do molo lao hita marubat tu dokter. Jadi nang pe ikkon berjuang au lao martangiang tu Jahowa, alai tetap do huulahon i. Alana pos do rohakku holong do roha ni Jahowa tu au jala pasti urupanna do au.”