Keputusan na Ikkon Tabahen

Molo naeng lao hamu tu inganan na so hea dope didalani hamu, aha do na ikkon diulahon hamu?

1. 1. Pittor lao tu arah na sittong menurut hamu.

2. 2. Mangihutton godang halak, ala dirippu hamu diboto nasida dalanna.

3. 3. Mangihutton petunjuk na boi dihaporseai, songon GPS, peta, manang dongan na memang mamboto dalanna.

Molo taihutton cara na parjolo dohot na paduahon, boi do hita gabe lilu. Alai molo taihutton cara na patoluhon, pasti sahat ma hita tu tujuan.

Songon sada pardalanan do ngolutta on. Molo sahat hita tu tujuanta, pasti las ma rohatta. Alai asa boi hita sahat tu tujuanta i, ikkon taihutton do petunjuk. Alana saleleng mangolu hita, pasti godang do keputusan na ikkon tabahen.

Memang piga-piga keputusan na tabahen dang pola balga pengaruhna, alai adong do tong na massai balga pengaruhna. Bahkan boi do keputusanta i mempengaruhi halak na asing jala leleng pengaruhna tu nasida. Jala sian keputusan na tabahen, boi ma tarida songon dia do pandanganta taringot na sittong dohot na sala. Misalna keputusan taringot:

• Seks dohot perkawinan

• Pangalaho na jujur, karejo, dohot hepeng

• Cara mandidik gelleng

• Pandanganta taringot halak na asing

Boha ma carana asa boi tabahen keputusan na denggan taringot i sude?

Aha do na boi mangurupi hita lao mamboto dia do na sittong dohot na sala tikki mambahen keputusan?

Dipaboa do di majalah on boasa boi pos rohatta tu na didok Bibel taringot na sittong dohot na sala.