Petunjuk na Sian dia do na lao Diihutton Hamu?
Balga do pengaruh ni petunjuk na tapillit. Boi do i mambahen hita marlas ni roha manang na dang. Jala diboto Jahowa do i. I do alana lomo do rohana molo taihutton petunjukna saleleng ni ngolutta.
Lomo do roha ni Jahowa asa marlas ni roha hita jala dame rohatta.
“Au do Jahowa Debatam, Debata na mangajarhon na denggan tu ho, Debata na manogu-nogu ho di dalan sidalananmu. Autsugari diparrohahon ho akka parettakki! Dos songon sunge ma hadameonmu, jala songon galumbang ni laut ma akka pambahenanmu na denggan.”—Jesaya 48:17, 18.
Ala Debata do na manoppa hita, pasti diboto Ibana do songon dia carana asa marlas ni roha hita. Dijujui Ibana do hita mangihutton petunjuk na nilehonna asa denggan ngolutta. Jadi pasti denggan do hasilna molo taihutton hata ni Debata, boi ma hita marlas ni roha jala dame ma tahilala.
Dang hea dipangido Jahowa hita mangulahon na so sanggup taulahon.
“Akka paretta na hupaboa tu hamu sadari on, dang na pola maol lao attusanmuna jala dang na pola maol i lao ulahononmuna.”—5 Musa 30:11.
Memang ikkon tapauba do cara marpikkirta dohot pangalahotta asa boi taihutton petunjuk na sian Debata. Alai pasti boi do hita mangulahon i. Alana Jahowa do na manoppa hita. Jadi dang mungkin dipangido Ibana hita mangulahon na so sanggup taulahon. Jala molo nga lam tatanda Jahowa pasti taboto ma “dang maol mangulahon akka parettana i”.—1 Johannes 5:3.
Marjanji do Jahowa lao mangurupi akka halak na mangihutton petunjukna.
“Au do Jahowa Debatam na maniop tangan kananmu, jala Au do Debata na mandok tu ho, ‘Unang ho mabiar. Urupanku do ho.’”—Jesaya 41:13.
Boi do taihutton petunjuk ni Debata di ngolutta, alana pasti diurupi Ibana do hita. Misalna, diurupi Ibana do hita marhite Bibel. Molo tajaha hatana na tarsurat di Bibel, boi ma i patoguhon hita jala mambahen pos rohatta tu janji ni Debata.
Nungnga marjuta halak na lam denggan ngoluna ala mangihutton petunjuk ni Debata na tarsurat di Bibel. Asa boi dihilala hamu songon i, parsiajari hamu ma Bibel mamakke brosur Mangolu Saleleng ni Lelengna na adong di jw.org/bbc. Sian brosur i botoonmuna ma:
Marguna do Bibel tu Sude Halak
Janji taringot Masa Depan
Boi do Pos Rohamuna tu Isi ni Bibel
Molo diparsiajari hamu Bibel boi ma botoonmuna dang ketinggalan jaman poda na tarsurat disi. Alana “martahan do i saleleng ni lelengna”. (Psalmen 111:8) Molo taihutton petunjuk ni Bibel taringot dia do na sittong dohot na sala, pasti lam denggan ma ngolutta. Alai dang hea dipaksa Debata hita mangulahon i. (5 Musa 30:19, 20; Josua 24:15) Boi do hita mamillit petunjuk na sian dia do na lao taihutton.