Ingot ma Muse Pokok Utamana

Hea do maol hamu mangingot aha na baru diparsiajari hamu? Pasti sude do hita hea songon i. Attong, aha do na boi mangurupi hita? Ingot ma muse pokok utamana.

Tikki marsiajar hamu, boi do so hamu satokkin jala ingot ma muse aha do na baru diparsiajari hamu. On ma na didok Apostel Paulus tu akka donganna tikki dijalo nasida suratna. Didok ibana, “On do na uppetting sian sude naung tahatai i.” (Heb. 8:1) Ala didok si Paulus songon i, gabe boi ma diurupi ibana akka donganna mangattusi aha do maksud ni suratna i, jala aha do kaitan ni sude isi ni suratna i.

Dung sae marsiajar, lehon ma tikki sappulu menit lao mangingot muse aha na baru diparsiajari hamu. Molo dang boi dope diingot hamu aha parsiajaranna, jaha ma muse akka subjudulna manang kalimat na parjolo di ganup paragraf. Tikki diparsiajari hamu taringot topik na baru, coba ma patorang i mamakke hatamuna sandiri. Molo diingot hamu muse pokok utamana, boi ma lam mura hamu mangingot parsiajaranna. Jala gabe lam diattusi hamu ma songon dia cara mangulahon parsiajaran i di ngolumuna.