Aha do na Didok Bibel taringot Kondisi ni Tano on na Lam Hancur?

“Dang sadia leleng nai lam parah ma akka bencana na terjadi alani perubahan iklim. Boi ma annon gabe lonong akka kota-kota na balga. Boi do toppu ro gelombang panas. Lam ngeri do annon badai na ro. Lam godang inganan na kekurangan air bersih. Gabe punah do annon marjuta spesies tumbuh-tumbuhan dohot binatang. Dang na dibahen-bahen on, manang na dipalobi-lobi. I ma hasilna molo dang denggan caratta manggunahon sumber daya alam.”—Pidato ni si António Guterres, sekretaris jenderal Perserikatan Bangsa-Bangsa, taringot laporan ni Panel Antarpemerintah tentang Perubahan Iklim na dirilis tanggal 4 April 2022.

“Akka ilmuwan paingotton, alani perubahan iklim on, boi do annon di taon-taon na ro gabe sega hampir sude taman nasional di Amerika Serikat, na godangna 423, tarlumobi ala akka taman nasional on mura do sega molo lam panas cuaca. Akka bencana na lao terjadi annon mirip ma songon na didokkon di Bibel i, i ma kebakaran, banjir, lapisan es na mencair, lam timbo ma permukaan laut, dohot gelombang panas.”—“Yellowstone Dilanda Banjir, Taman-Taman Nasional di Ambang Krisis“ (Flooding Chaos in Yellowstone, a Sign of Crises to Come), The New York Times, 15 Juni 2022.

Boi do dipasae masalah lingkungan on? Molo boi, ise ma na lao pasaehon i? Parrohahon ma aha na nidok ni Bibel.

Nungnga disurirakkon taringot bencana lingkungan global

Nungnga dipaboa di Bibel na lao ‘ripassonon ni Debata ma halak na manegai tano on.’ (Pangungkapon 11:18) Adong tolu na boi tasimpulhon sian ayat on:

1. 1. Ulaon ni akka jolma i boi do manegai tano on.

2. 2. Lao marujung do annon akka na mambahen sega tano on.

3. 3. Debata do na lao pasaehon masalah lingkungan ni planet on, dang jolma.

Aman do masa depan ni tano on

Dipaboa do di Bibel na “hot do anggo tano on saleleng ni lelengna.” (Parjamita 1:4) Toktong do tano on boi diingani.

• “Lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna.”—Psalmen 37:29.

Lao dipadenggan ma annon tano on.

• “Marlas ni roha ma gurun pasir dohot tano na harsang, marlas ni roha ma gurun jala gok ma akka bunga disi.”—Jesaya 35:1.