Pamimpin na dia ma na Lao Pillitonmuna?—Aha do na Didok Bibel Taringot i?

Godang halak ikkon mambahen keputusuan na massai penting, i ma mamillit ise na lao gabe pamimpin ni nasida.

Aha do na didok Bibel taringot i?

Terbatas do na boi diulahon akka pamimpin ni jolma

Dipaboa do di Bibel adong sada keterbatasan ni akka jolma na gabe pamimpin.

• “Unang ma porsea hamu tu akka pamimpin, manang tu anak ni jolma na so boi mangalehon haluaon. Molo dung tos hosana, mulak tu tano do ibana, laos di tikki i salpu ma sude pikkiranna.”—Psalmen 146:3, 4.

Dang boi toktong mangolu akka jolma na gabe pamimpin, nang pe denggan diulahon nasida tugasna. Jala dang boi dipastihon nasida na boi do denggan diulahon halak na manggattihon nasida program manang kebijakan na binahenna.—Parjamita 2:18, 19.

Jala dipaboa do muse di Bibel dang na ditoppa jolma lao mamimpin donganna jolma.

• “Dang marhuaso jolma lao manottuhon lao tudia ibana mangalakka.”—Jeremia 10:23.

Attong, adong do pamimpin na boi taandalhon saonari?

Pamimpin na pinillit ni Debata

Dipaboa do di Bibel nungnga dipillit Debata pamimpin na boi dihaporseai jala na paling martanggung jawab: Jesus Kristus. (Psalmen 2:6) Jesus ma Raja ni Harajaon ni Debata, i ma pamarettaon na marhuaso sian surgo.—Mateus 6:10.

Olo do hamu mamillit Jesus gabe Pamimpinmuna? Alana Bibel mandok, na pinillitmuna i balga do pengaruhna tu ngolumuna:

• “Pasangap ma anak i [Jesus Kristus], asa unang muruk Debata asa unang dipalao Ibana hamu sian dalan ni halak na tigor marroha, ai hatop do marsigorgor rimasna. Marlas ni roha ma sude halak na marlinggom tu Ibana.”—Psalmen 2:12.

Saonari ma tikkina hamu manottuhon ise na lao pillitonmuna. Adong perhitungan waktu dipaboa Bibel na patuduhon nungnga mamaretta be Jesus mulai sian taon 1914. Jala satokkin nai lao digattihon Harajaon ni Debata ma sude pamarettaon ni jolma.—Daniel 2:44.

Lao mamboto songon dia hamu boi mendukung Jesus, jaha ma artikel “Pillit ma Lao Mendukung Harajaon ni Debata Saonari!”