Saksi Jahowa Dohot Holocaust—Aha do na Didok Bibel Taringot i?

Di tanggal 27 Januari 2023, godang do halak manaringoti Hari Peringatan Holocaust Internasional. Holocaust, i ma pembantaian massal na dibahen Nazi na masa lobi sian 75 taon naung salpu. Hea do ra sukkun-sukkun rohamuna boasa ma dipaloas Debata i masa.

• Jaha ma artikel “Boasa Dipaloas Debata Masa Holocaust?” lao mamboto na didok Bibel taringot i.

Godang do halak Jahudi na susa alani Holocaust. Marjuta do halak Jahudi na dipamate secara sistematis. Adong do muse akka kelompok na asing na dianiaya jala dipamate, termasuk ma i Saksi Jahowa. Dianiaya do nasida ala mandalatton haporseaon ni nasida na berdasarhon Bibel.

• Jaha ma artikel “Aha do na Masa tu Saksi Jahowa Tikki Masa Holocaust?” lao mandapot gumodang hatorangan.

Masa depan na dumenggan dohot harapan

Godang do halak na mabiar lao terjadi muse peristiwa na songon Holocaust i. Alai las do rohatta mamboto janji di Bibel na mandok dang lao masa be akka peristiwa sisongon i di ari na naeng ro.

• “‘Ai takkas do huboto aha na lao bahenokku tu hamu,’ ninna Jahowa, ‘hadameon do na lao bahenokku tu hamu dang jea. Jala marjanji do Au na boi pos rohamuna na lao denggan do ngolumuna di ari na naeng ro.’”—Jeremia 29:11.a

Saut nama janji i tikki dihapus Debata Jahowa hajahaton dohot sude na mambahen hita susa. Satokkin nai:

• Palaoonna ma akka parjahat sian tano on.—Poda 2:22.

• Pamalumonna ma akka naung menderita.—Pangungkapon 21:4.

• Paheheonna ma akka naung mate asa mulak mangolu muse di tano on.—Johannes 5:28, 29.

Boi do tahaporseai akka janji di Bibel i. Las do rohanami mangundang hamu mancoba kursus marsiajar Bibel gratis lao mamboto alasanna.